Оқи отырыңыз
Талдықорған-Үштөбе айналма жолында Mitsubishi Pajero автокөлігі КамАЗ жүк көлігімен соқтығысты, деп хабарлайды 7-su.kz желілік басылымы.
Mitsubishi Pajero-ны 32 жастағы ер адам басқарған, ол жолаушысымен бірге оқиға орнында көз жұмды.
Сондай-ақ 34 жастағы әйел түрлі дене жарақаттарымен қалалық ауруханаға жатқызылды.
"Автожолдың аталған учаскесінде Mitsubishi Pajero автокөлігі КамАЗ жүк көлігімен соқтығысқанын хабарлаймыз. Өңір полициясы жүргізушілерді жылдамдық режимін және ҚР ЖҚЕ-де көрсетілген басқа да талаптарды мүлтіксіз орындауға шақырады", - деді Жетісу облысы полиция департаментінің баспасөз қызметі.
Қажетті сараптамалар тағайындалып, сотқа дейінгі тергеу амалдары басталды.
Суретер: Жетісу облысы ПД баспасөз қызметі