Оқи отырыңыз
Жетісу полицейлері облыстық ҰҚКД қызметкерлерімен бірлесіп прокуратураның үйлестіруімен Сарқан ауданының тұрғынын ұстады.
Тұрғылықты жеріне санкцияланған тінту жүргізу барысында күдіктінің жазғы ас үйінде ұнтақ тәріздес ақ түсті зат табылған.
– Ер адам қылмыстық-діни тұлға екені белгілі болды. Қазіргі уақытта есірткіні заңсыз сақтау фактісі бойынша қылмыстық іс қозғалды. Күдікті қамауға алынды, – деп хабарлады Жетісу облысы ПД Экстремизмге қарсы іс-қимыл басқармасында.
Құқық қорғаушылармен тәркіленген зат жүргізілген сараптамаға сәйкес психотроптық санатқа жататын синтетикалық есірткі екені расталды.
"Жетісу-Ақпарат"
Фото: Жетісу облысы ПД
