Оқи отырыңыз
Қазақстан құрамасының жартылай қорғаушысы Бактиер Зайнутдинов Түркияның «Бешикташ» командасы сапындағы алғашқы ойынын өткізіп, бірінші голын соқты, деп хабарлайды 7-su.kz желілік басылымы ҚазАқпарат дерегіне сүйеніп.
Бұл тарихи сәт түркиялық клубтың Конференция лигасы плей-офф сатысындағы Украинаның «Динамо Киев» қарсы кездесуінде тіркелді.
Қазақстандық футболшы екінші кезеңнің 46-минутында командаласы әріптесі Артур Масуакуды алмастырды. Конго Демократиялық Республикасының футболшысы бірінші кезеңде алған жарақатына байланысты ойынды жалғастыра алмады.
Кездесу барысында ол 95-минутта қарсылас команда қақпасын дәл көздеп, жеңіс алып келді.
Кездесуде «Бешикташ» қарсыласынан 3:2 есебімен басым түсті. Қарымта кездесу 31 тамызда болады.
Айта кетсек, Бактиер Зайнутдинов ыстанбұлдық клубпен осы жылдың 18 тамызында келісімшартқа қол қойды. Ол 2027 жылдың 30 маусымына дейін жаңа командасы құрамында ойын көрсете алады.
Бактиер Зайнутдинов 1998 жылдың 2 сәуірінде дүниеге келген. Бұған дейін қазақстандық «Тараз», «Астана», Ресейдің «Ростов» және ЦСКА командаларының намысын қорғады.
Еске салсақ, бұдан бұрын Конференция лигасы плей-офф сатысының бірінші ойынында «Астана» жеңіп, «Тобыл» қарсыласына есе жіберді.
Фото: ашық дереккөзден
