Оқи отырыңыз
Бүгін Талдықорғандағы Жастар спорт сарайында Жетісу телеарансының 25-жылдық мерейтойына орай белгілі журналист Наталья Борсенконы еске алуға арналған стол тенисінен жарыс өтті. Турнир облыстық БАҚ өкілдері арасында ұйымдастырылды. Кіл мықтыдан, кім мықтыны анықтау оңай болмады.
Наталья Борсенко Сарқан ауданының тумасы. Бұрынғы Талдықорған педагогикалық институтының түлегі. Аса ізденімпаз, жаңашылдыққа жаны құмар, ойы озық жан болған дейді көзін көргендер. Наталья оқуын тамамдап, журналистикаға ынта-ықыласы артып, аудандық газетке жұмысқа тұрады. Қарым қабілетінің арқасында 24 жасында-ақ бас редактор лауазымына тағайындалады. 1997 жылы тележурналистикаға қадам басады. «Арай» телеарнасының негізін қаласып, қала әкімі баспасөз қызметін құрып, 2 жыл эфирге «Уақыт» ақпараттық бағдарламасы шығуына ұйытқы болады.
Жастар сарайында өткен жарысқа 30 ға жуық бақ өкілі қатысты. Сайыс олимпиадалық жүйе бойынша өтті. Яғни ұтылған адам бірден ойыннан шеттетіліп отырады. Тартысты бәсекенің ұйымдастырылуына Виктор Хильниченко демеушілік еткен.
Топтық кезеңнен қара үзіп шыққан 4 мықты өзара бас жүлдені сарапқа салды. Нәтижесінде Алмас Мырзахметов қарсылас шақ келтірмей, жеңімпаз атанды. Ал оған сәл ғана ұпайы жетпей қалған «Жетісу» арнасының тілшісі Дамир Нұрмұхамет екінші орынды місе тұтса, үшінші орын Самат Есентайұлына бұйырды.
– Жарысты ұйымдастырушылағы үлкен алғыс айтам. Сайыс жоғары деңгейде болды деп есептеймін. Ойыншылар бір-бірін қарсылас санап емес тенис бәсекесін жолдастық кездесуде өткізді деп айтқан дұрыс шығар. Біз бұл жерде әріптестерімізбен күнде бірге дайындық өткізіп жүргендіктен кімнің қалай ойнайтынын әбден біліп алғанбыз. Барлығы бір-бірінің осал жерін де, мықты жерінде біледі. Жеңімпаз атанғаныма өте қуаныштымын, – дейді «Jetisy Media» ақпарат алаңының модератор, тілшісі Алмас Мырзахметов.
Ал қыздар арасында жылдам әрі шебер ойын көрсеткен Айжан Туғанбаева 1 – орыннан көрінді. 2 – орынды Гүлжан Әлдекеннің еншілесе, Сағыныш Намазшанова 3 – орынға табан тіреді. Жүлдегерлер арнайы диплом мен ақшалай сыйлықпен марапатталды.
Меруерет ДӘУРЕНҚЫЗЫ
ЖУ Студенті
