Биыл 8 айда инфляция көрсеткіші баяулағанымен киім-кешек пен тұрмыстық техника, көліктің бағасы айтарлықтай өсті. Бұл туралы Ұлттық банк төрағасы Тимур Сүлейменов айтты, деп хабарлайды 7-su.kz желілік басылымы Halyq Uni сайтының дерегіне сүйеніп.
Оның айтуынша, 2023 жылғы тамызда Қазақстанда іскерлік белсенділік индексі 49,9 болып, нейтралды деңгейде қалыптасқан. Ағымдағы және келешектегі бизнес-жағдайлар оң бағаланып отыр.
6 ай ішінде жылдық инфляция төмендеп жатыр. Оның ағымдағы деңгейі 13,1% болды. Жылдық инфляциядағы азық-түлік, азық-түлікке жатпайтын компоненттің үлесі азайып, ақылы қызметтер инфляциясының үлесі ұлғаюда. Жылдық инфляцияның төмендеуіне қарамастан айлық инфляция шілдедегі 0,6%-дан 0,7%-ға дейін жеделдеді. Айлық инфляцияның көшу қарқыны орташа мінберден жоғары қалыптасты, — деді Тимур Сүлейменов Үкімет отырысында.
Азық-түлік инфляциясы тамақ өнімдерін өндірушілердің және ауыл шаруашылығындағы бағаны төмендетуге байланысты 12,4%-ға дейін баяулаған. Жеміс, көкөніс өнімдері маусымдық кезеңге байланысты арзандап жатыр. Бірақ мұның қарқыны өткен жылмен салыстырғанда төмен.
«Азық-түлікке жатпайтын инфляция тамызда 13,5% болып, көрсеткіш баяулауда. Алдыңғы айларда теңгенің нығаюына байланысты жеке пайдалануға арналған тұрмыстық заттар, құрылыс материалдары, дәрі-дәрмек бағаларының өсуі баяулап жатыр.
Сәуірден бастап жанар-жағармайдың шекті бөлшек саудада бағасының өсуінің байланысты оның азық-түлікке жатпайтын инфляциядағы үлесі ұлғайып жатыр. Тамызда киім-кешек пен аяқ-киім, тұрмыстық техника, автомобильдер, газ бағасының айтарлықтай өсуі тіркелді, — деді төраға.
Тұрғын үй коммуналдық қызметтер тарифінің өсуіне байланысты ақылы қызметтер инфляциясы жеделдей түскен.
«Тарифтер тамызда 6,1%-ке, жылдық көрсеткіште – 13,9%-ке өсті. Сонымен қатар халықтың тұрақты сұранысына байланысты реттелмейтін қызметтердің бағасы өсімін сақтап қалып отыр. Оның ішінде қалалық көлікпен жол, ұялы байланыс қызметтері мен жалдау ақысы бар», — деді ол.
