Қоғамның саяси, әлеуметтік және құқықтық дамуы тікелей Конституциямен байланысты.
Ата Заң – мемлекеттің негізгі заңы, ол билік жүйесін, азаматтардың құқықтары мен бостандықтарын айқындайды. Осы бағыттағы өзгерістер қоғамдағы әділеттілікті нығайтып, халық пен билік арасындағы байланысты күшейтеді. Конституциялық реформаның өзегі – мемлекеттің қоғам алдындағы жауапкершілігін арттыру. Сондай-ақ ел дамуын: адами капиталмен және азаматтардың жетістіктерімен өлшеу. Осылайша білім мен ғылымға, мәдениет пен инновацияға басымдық беріледі. Сарапшылардың пікірінше, оң өзгерістер қоғамның дамуына жаңа серпін береді.
Конституцияның жаңа жобасында білімге, ғылымға және инновацияға көп көңіл бөлініп жатыр. Бұл ел ғалымдарының тың жаңалықтар ашуына септігін тигізетіні анық. Ата Заңымыздың жаңа мәтінінің басты идеясы ретінде білім мен ғылым, мәдениет пен инновация анықталды. Соған орай мемлекеттің болашағы минералды ресурстар, табиғи байлықтармен емес, адами капиталмен және азаматтардың жетістіктерімен анықталатынын көрсететін түбегейлі маңызды бетбұрысқа айналды. Тағы бір маңызды мағыналық бағыт – цифрландыру. Осыған байланысты Конституцияның жаңа мәтінінде алғаш рет азаматтардың құқықтарын цифрлық ортада қорғау туралы норма бекітілді. Әсіресе, алаяқтыққа баруды, рұқсатсыз деректерін алу, олардың мүліктеріне қол сұғуды болдырмауда цифрлық деректерді қорғау пайдасын тигізеді деп ойлаймын.
Шыңғыс ОРЫНБАСАРОВ,
Мұсабек атындағы орта мектептің
тарих пәні мұғалімі
Көксу ауданы
