Жетісу облысында ауа райының қолайсыздығына байланысты республикалық маңызы бар автожолдың бір бөлігінде қозғалыс уақытша шектелді, – деп хабарлайды 7-su.kz ақпараттық порталы.
«ҚазАвтоЖол» мәліметінше, көліктің барлық түрі үшін «Үшарал – Достық» автожолының 84–164 шақырым аралығы, яғни Көктұма ауылынан Достық станциясына дейінгі бөлігінде қозғалыс тоқтатылды.
«2026 жылғы 26 ақпанда сағат 11:30-да ауа райының нашарлауына байланысты республикалық маңызы бар “Үшарал – Достық” автожолының аталған бөлігінде көліктің барлық түрінің қозғалысына уақытша шектеу енгізілді. Жолды 27 ақпан күні сағат 09:00-де ашу жоспарланып отыр», – деп хабарлады «ҚазАвтоЖол».
Жол қызметтері жағдайды бақылауда ұстап отыр. Жүргізушілерге алыс сапарды жоспарлау кезінде жол ахуалын алдын ала нақтылау ұсынылады.
