Бүгін елдің солтүстігінде антициклон әсерінен жауын-шашынсыз, құрғақ ауа райы сақталады, деп хабарлайды 7-su.kz ақпаттық порталы.
Ал Қазақстанның басқа өңірлерінде күн жауынды болады. Циклон мен атмосфералық фронттардың әсерінен найзағай ойнап, кей жерлерде жаңбыр жауады. Сонымен қатар, жел күшейіп, оңтүстікте шаңды дауыл тұруы мүмкін.
Бірқатар аймақта өрт қаупі де сақталады.
Жоғары өрт қаупі келесі өңірлерде күтіледі:
Алматы, Қарағанды, Ұлытау, Жетісу, Батыс Қазақстан (солтүстігі), Павлодар (батысы мен оңтүстігі), Ақтөбе, Жамбыл (орталығы), Маңғыстау, Ақмола (оңтүстігі), Солтүстік Қазақстан (батыс және солтүстік), Қостанай, Шығыс Қазақстан (оңтүстігі) және Абай облысының кей аудандары.
Төтенше өрт қаупі жарияланған өңірлер:
Қызылорда, Жамбыл, Түркістан, Атырау, Ақтөбе, Алматы, Маңғыстау, Қостанай, Батыс Қазақстан, Ұлытау облыстарының бірқатар аумағы, сондай-ақ Абай облысының батысы мен оңтүстік-батысы және Жетісу облысының солтүстік пен шығыс бөліктері.
