Мамандар жазда дүкенде сатылатын алдын ала туралған жемістерді алмауға кеңес береді, деп хабарлайды 7-su.kz ақпараттық порталы.
Испанияның Азық-түлік қауіпсіздігі және тамақтану агенттігі (AESAN) жаз мезгілінде супермаркеттерде сатылатын алдын ала туралған жемістерді сатып алудан бас тартуға шақырды.
Мамандардың айтуынша, жемістің қабығы – оны қорғайтын табиғи қалқан. Ал жеміс кесілген кезде бұл қорғаныс жойылып, патогендердің ішіне енуі жеңілдей түседі. Ең қауіптісі — жеміс сырт көзге бүлінбей-ақ, иісі мен түсі өзгермей, зиянды микробтармен ластануы мүмкін.
Кесілген жемістерді тұтыну салдарынан туындауы мүмкін аурулар:
-
Сальмонеллез
-
Ішек таяқшасы (Escherichia coli) инфекциясы
Егер адамда іш өту, жүрек айну, құсу, дене қызуының көтерілуі, әлсіздік немесе қатты шаршау белгілері байқалса — дереу дәрігерге қаралу қажет.
Туралған жемістерді тұтынғанда келесі қауіпсіздік ережелерін сақтау ұсынылады:
-
Жемісті +25 ºC-тан жоғары температурада 3 сағаттан артық қалдырмаңыз.
-
Оны +5 ºC-қа дейін мүмкіндігінше тезірек суытыңыз.
-
Беті зақымдалған немесе шамадан тыс піскен жемістерді кеспеңіз.
-
Туралған жемісті күн сәулесінен алыс, салқын әрі желдетілетін жерде сақтаңыз.
Жаз мезгілінде жемістерді бүтін күйінде сатып алып, үй жағдайында тазалап тұтынған жөн.
