ҚР ҰҚК Шекара қызметі Жетісу облысы бойынша департаменті Алакөл ауданы бойынша шекара басқар масында Бескөл ауылы Д. Қонаев атындағы орта мектеп оқушыларының қатысуымен Ашық есік күні өтті. Мұндағы мақсат – шекара шебіндегі қызметтің маңыздылығын жас ұрпақтың санасына сіңіру.
Шара барысында оқушылар шекарашылардың күнделікті іс-әрекетімен танысты. Қорғаныс пен қауіпсіздіктің басты тірегі – қару-жарақ түрлері, арнайы құрал-жабдықтар, қызметтік иттердің шебер жаттығулары жас жеткіншектердің қызығушылығын оятты. Әсіресе, шекаралық иттердің бұйрықты бұлжытпай орындауы мен түрлі із кесу қабілеттері балалардың назарын аударды.
Мұндай шаралардың болашақ ұрпақтың бойына отансүйгіштік қасиетті ұялатып, Отан қорғау абыройлы міндет екенін ұқтырады.
ҚР ҰҚК Шекара қызметі Жетісу облысы бойынша департаменті
