Мәселені қарауға жеке білім беру жөніндегі салалық кеңес мүшелері қарауға бастамашы болды. Мектептер мен мектепке дейінгі ұйымдар террористік тұрғыдан осал (ТТО) объектілерге жатады. Демек, олардың күзет қызметі мемлекет тарапынан бақыланады. Егер мемлекеттік білім беру ұйымдары қызметтің осы түрі үшін жеке трансферт алатын болса, онда жеке меншік нысанындағы балабақшалар тәрбиеленушілер мен өз қызметкерлерінің штатын өз қаражаты есебінен қорғауды қамтамасыз етеді.
Үкіметтің 2021 жылғы 6 мамырдағы №305 қаулысына сәйкес ТТО объектілерінің жеке күзет қызметі субъектілерімен шарттар жасасуына қойылатын талап тек ТТО объектісінің штатында күзет көзделмеген жағдайда ғана қолданылады (2-тараудың 13-тармағының 2-тармақшасы). Сонымен бiрге қолданыстағы заңнамада жоғарыда келтiрiлген Үкiмет қаулысының мазмұнына қайшы келетiн нормативтiк-құқықтық акт (НҚА) бар.
Әңгіме «Қазақстан Республикасының білім беру саласындағы қызметті жүзеге асыратын террористік тұрғыдан осал объектілерінің терроризмге қарсы қорғалуын ұйымдастыру жөніндегі нұсқаулықты бекіту туралы» ҚР Білім және ғылым министрінің 2022 жылғы 30 наурыздағы № 117 бұйрығы туралы болып отыр. Бұл бұйрықта кемінде 3 жыл мерзімге күзет қызметін көрсетуге лицензиясы бар мамандандырылған күзет ұйымдарымен шарттар жасасу қажеттігі туралы 2-топтағы ТТО объектілерінің меншік иелеріне, иелеріне, басшыларына қойылатын талап жазылған.
Осы НҚА-дағы қайшылықтар ТТО объектілері үшін құқықтық қолайсыз жағдайдың туындауына алғышарт жасайды, тиісінше, ол жойылуы тиіс. Жеке білім беру жөніндегі салалық кеңес төрағасы Маржан Ахметжанова НҚА-ның иерархиясына сілтеме жасай отырып, Үкіметтің НҚА-лері ведомстволық НҚА-дан жоғары екенін, сондықтан құқық қолдану тәжірибесінде қайшылықтар туындаған жағдайда Үкіметтің нормативтік-құқықтық актісін басшылыққа алу қажеттігін атап өтті.
Сондай-ақ, отырысқа қатысушылар ҚР Білім және ғылым министрінің 2022 жылғы 30 наурыздағы № 117 бұйрығында білім беру объектілерінің тобын айқындау бөлігіндегі әртүрлі оқылымға назар аударды. Соңында облыстық білім басқармасы мен облыстық полиция департаменті өкілдері аталған қайшылықтарды мойындап, бұл туралы жоғары тұрған ведомстволарға жеткізілетіні мәлім етілді. «Атамекен» өңірлік палатасы да өз тарапынан проблемалық мәселені шешуге жәрдемдесу туралы орталық аппаратқа ұсыныс жасауға бастамашы болады.
Айгүл БАЙБОСЫНОВА
