Мамыр айының бірінші жұлдызынан міндетті зейнетақы жарналары есебінен қалыптасқан зейнетақы жинақтарының көлемі 22,05 трлн. теңгеге жетті. 12 айдағы өсімі – 20,4%-ды көрсетті. Міндетті кәсіптік зейнетақы жарналары бойынша зейнетақы жинақтары – 661,69 млрд. теңге болса 12 айдағы өсім – 10,5%. Өткен бір жыл ішінде ең үлкен өсімді ерікті зейнетақы жарналары бойынша жинақтар көрсетті. Олардың көлемі 8,38 млрд. теңге. Салымшылардың (алушылардың) зейнетақы шоттарына 2024 жылғы 1 қаңтардан түсе бастаған жұмыс берушінің міндетті зейнетақы жарналары 2025 жылдың 1 мамырына 374,30 млрд. теңге болды.
Зейнетақы жинақтарының көлемі зейнетақы жарналары мен инвестициялық кіріс есебінен ұлғаяды. 2025 жылдың 4 айы ішінде салымшылардың шоттарына түскен зейнетақы жарналарының мөлшері – 1,03 трлн. теңге.
Жыл басынан бері МЗЖ есебі жүргізілетін жеке зейнетақы шоттарына 2025 жылдың 1 мамырына 852,82 млрд теңге. МКЗЖ – 46,47 млрд. теңге, ЕЗЖ – 1,05 млн. теңге түсті. 2025 жылдың 4 айында ЖМЗЖ 133,86 млрд. теңгені құрады.
2025 жылдың 4 айында БЖЗҚ-дан жарналардың барлық түрі бойынша жасалған төлемдер мен сақтандыру ұйымдарына аударымдар 525,25 млрд. теңгені құрады. Бұл былтыр жасалған төлемдер көлемінен 239,79 млрд. теңгеге көп.
2025 жылдың 1 мамырындағы жағдай бойынша БЖЗҚ-дағы зейнетақы шоттарының жалпы саны – 17,52 млн. бірлік. Бұл ретте салымшылардың БЖЗҚ-дағы ЖЗШ саны 2025 жылдың 1 мамырына 12,55 млн. бірлік болды. Ал БЖЗҚ-дағы Қазақстан Республикасының заңнамасына сәйкес келіп түскен ЖМЗЖ туралы мәліметтер ескерілетін шартты зейнетақы шоттарының саны 4,97 млн. бірлік. Зейнетақы активтеріне қатысты барлық өзекті ақпарат enpf.kz сайтындағы «Статистика және аналитика» бөлімінде орналастырылған.
«БЖЗҚ» АҚ баспасөз орталығы
