Сала мамандарының сөзінше, көңіл қуантатын бұл көрсеткіш облыстық төтенше жағдайлар департаментінің жергілікті атқарушы органдар мен полиция қызметкерлері және еріктілердің бірлесіп атқарған жұмыстарының нәтижесі. Қазіргі кезде олар су жағалауларында профилактикалық рейдтер мен түсіндіру жұмыстарын белсенді түрде жүргізуде. Салыстырмалы түрде айтқанда биылғы жылдың басынан бері облыс аумағында 1 адам суға батқан. Алайда аталған оқиғаның шомылу маусымына еш қатысы жоқ. Өткен жылдың шомылу маусымында аймақта 5 адам суға түсіп қаза тапса, олардың 3-і бала. Бұл тұрғындарға алдын алу шараларының маңыздылығын және ересектердің балаларды бақылаусыз қалдырмау керектігін аңғартады.
– Бүгінде Жетісу өңірінде 40-тан астам ірі су айдындары бар. Оның 4-і көл, 15-і өзен, 8-і су қоймасы және16-сы әр түрлі тоғандар. Жыл басынан бері Жетісу облысының құтқарушылары 27 адамды ажалдан арашалап қалды. Былтыр олар 36 адамды құтқарса, олардың 8-і – бала. Ағымдағы жылы құтқарылғандар арасында бала жоқ. Міне, бұл, ата-аналар мен аймақ тұрғындардының қауіпсіздік ережелеріне баса мән бере бастағанын көрсетеді,–дейді облыстық төтенше жағдайлар департаментінің өкілі.
Бапасөз қызметінің дерегінше, биыл аймақтағы су айдындарында қауіпсіздік ережелерін бұзған 2 адам заңды жауапкершілікке тартылып, тиісті айыппұл арқалаған. Былтырғы жылдың ұқсас кезеңінде өңірде 42 жеке адамға тәртіптік жаза бойынша 542 мың 724 теңге көлемінде айыппұл салынған. Оның 40-қа жуығы дәл осындай шомылу маусымында ереже бұзғандар. Қазір өңірдегі өзен-көл маңдары тұрақты түрде қадағаланып, күн сайын демалушылар арасында және балалар лагерлерінде түсіндіру жұмыс жүргізілуде. Дейтұрғанмен «Сақтықта қорлық жоқ» деген. Жетісу облысы төтенше жағдайлар департаменті азаматтарды суға барған кезде қауіпсіздік талаптарын қатаң сақтауға шақырады. Онда оларға тыйым салынған орындарда шомылмауды, құтқару құралдарын пайдалануды және балаларды қараусыз қалдырмауды ескертеді.
Айдын КӘЛІМХАН
