Әйгілі боксшы Василий Жиров Кеңес Одағының батыры, гвардия полковнигі Бауыржан Момышұлы атындағы 5571 әскери бөліміне келіп, Ұландықтармен кездесу өткізді. Аты әлемге танылған даңқты бокшсыны “Оңтүстік” өңірлік қолбасшылығының әскери қызметшілерімен қоса 5571 әсери бөлімнің тәрбие және әлеуметтік-құқықтық жұмыстар жөніндегі орынбасары подполковник Ұлықбек Қараев күтіп алып, жеке құраммен жүздестірді.
Валерий Жиров Вел Баркер кубогін жеңіп алған алғашқы қазақстандық боксшы.
Ол әскери және мерзімді әскери қызметшілермен кездесу барысында рухты әрі мықты болудың жолдарымен бөлісті. Сонымен қатар, қарулас достарға жауапкершілігі мол қызметтері үшін алғысын білдірді. Жалындап тұрған жас жауынгерлердің бойындағы ерік-жігерін,отансүйгіштігін байқап, алдағы өмірлеріне тек қана ақ жол мен сәттілік тіледі.
Бокстан Атланта Олимпиадасының чемпионы Василий Жиров Балқаш өңірінің тумасы. Бүгінде АҚШ азаматтығын алып, Америкада тұрып жатқан даңқты спортшы кейінгі жылдары Қазақстанға жиі келіп жүр.
«Василий Жиров – біздің халқымыздың мақтанышы, өзінің еңбегімен және табандылығымен әлемдік спорт аренасында қазақстандық туды көтерген адам. Біз чемпионға спорттың дамуына қосқан баға жетпес үлесі үшін және еліміздің жас спортшыларына, ұландық жауынгерлерге берген шабыты үшін шын жүректен алғысымызды білдіреміз», — деді тәрбие және әлеуметтік — құқықтық жұмыстар жөніндегі орынбасары подполковник Ұлықбек Қараев .
Ел алғысын арқалаған танымал боксшыға “ Оңтүстік” өңірлік қолбасшылығының қолбасшысы полковник Талапкер Әміреев мырзаның атынан Алғыс хат табысталды. Отанға сіңіріп жатқан еңбегі үшін ризашылығын білдіріп, отбасына бақыт пен береке тіледі.
Айта кетейік, Жиров Вел Баркер кубогін жеңіп алған алғашқы қазақстандық боксшы. Ол Олимпиада ойындарынан кейін АҚШ-қа қоныс аударып, кәсіпқой бокста да айтарлықтай жетістіктерге қол жеткізді. Атап айтқанда, WBC және IBF тұжырымдары бойынша әлем чемпионы атанды.
«Жетісу-Ақпарат»
