Отбасы – мемлекетіміздің уығы, алтын қазығы. Өмірде де, жұмыста да жұптары жазылмай жүрген үлгілі отбасылар жетіп артылады. Әсіресе төтенше жағдай департаментінде қызмет істеу үлкен жауапкершілік пен шыдамдылықты талап етеді. Осыған орай Отбасы күні қарсаңында темірдей тәртіпті талап ететін салада абыройлы қызмет істеп жүрген Сағади Албай мен Мәдина Қаракенова жайлы жазуды жөн көрдік.
Отағасы Албай Сағади азаматтық қорғау органдарында департаменттің төтенше жағдайларды жою басқармасының бас маманы, Мәдина Қаракенова төтенше жағдайлардың алдын алу басқармасының инженері лауазымында қызмет етеді. Төтенше жағдай департаментіне айтарлықтай үлес қосып жүрген жарасымды жұп бір-бірімен жұмысқа кіргенде табысыпты.
–Қыз-келіншектерге төтенше жағдай департаментінде қызмет істеу оңай емес. Кейде уақытпен санаспай жұмыс істеуге тура келеді. Мұндай кездерде отағасы қасымнан табылады. Сондықтан қиын әрі жауапты жұмысты таңдағаныма еш өкінбеймін.
Мәдина ортақ қызығушылық болғандықтан жұмыс қиын еместігін айтты.
– Қыз-келіншектерге төтенше жағдай департаментіне қызмет істеу оңай емес. Кейде уақытпен санаспай жұмыс істеуге тура келеді. Мұндай кездерде отағасы қасымнан табылады. Сондықтан қиын әрі жауапты жұмысты таңдағаныма еш өкінбеймін. Бір салада бірге қыз- мет еткендіктен қайта бір-бірімізді жақсы түсінеміз. Үйде Сағадидің ашуланған кезі болған емес. Өйткені оны асыға күтетін сүйікті әйелі, кішкентай қызы бар, – дейді ол.
Үйде де, түзде де жұптары жазылмай жүрген жандардың отбасы құрғанына 4 жыл болыпты.
«Төтенше жағдай департаментінде еңбек ету үшін қырағылық қажет. Осы салаға бет бұрған сәттен бастап мойныма үлкен жауапкершілік жүгінің артылғанын сезіндім. Қалтқысыз қызмет етуге бар жастық жалыным мен күш-жігерімді жұмсап келемін. Таңдаған салам үлкен күш пен энергияны талап етеді», – дейді Сағади.
Жұмысын абыроймен атқарып жүрген жұп қызметтен бос уақыттарын қыздарымен өткізуге тырысады. Олар жұмыс қаншалықты темірдей тәртіпті, жауапкершілікті, шыдамдылық пен кәсібилікті талап етсе де отбасы бақытына кедергі келтірмейтініне сенімді. Сондықтан олар осы мамандықты таңдағанына еш өкінген емес.
