ҰҚК шегара қызметі Жетісу облыстық департаменті Алакөл аудандық шегара басқармасы мерзімді әскери қызметшілерін қарсы алды.
Жас толқынның келуіне арналған «Күз – 2024» атты шарада шегара басқармасының жеке құрамы толықтай сапқа тұрды. Қыркүйек айында жиналған бес жүзге жуық сарбаз техникалық және кәсіби даярлық бөлімінде ант қабылдап, шегарашылардың өмірімен танысатын болады. Сонымен қатар, оқу орталығында кинолог, жылқышы, көлік жүргізушісі, прожекторист, радиолакация стансысының операторы, электр-құралдары шебері, шегара бақылаушы, атқыш сияқты мамандықтарға даярланады. Келесі жылдың қаңтар айының басында «Күз – 2024» мерзімді әскери қызметшілері оқу барысында алған мамандықтары бойынша шегара бөлімшелеріне жолданады.
ӨЗ ТІЛШІМІЗ
