"Мен оның әзіліне лайықты баға бердім": Тоқаев Лукашенконың мәлімдемесіне қатысты пікір білдірді

Уақыты: 29.05.2023
Оқылды: 885
Бөлім: САЯСАТ

Мемлекет басшысы Қасым-Жомарт Тоқаев Солтүстік Қазақстан облысына жұмыс сапары барысында Александр Лукашенконың мәлімдемесіне қатысты пікір білдірді, - деп хабарлайды 7-su.kz желілік басылымы Tengrinews.kz дерегіне жүгініп.

"Жақында Беларусь Республикасының Президенті Александр Григорьевич Лукашенко Қазақстанға одақтас мемлекетке кіруді ұсынды. Мен оның әзіліне лайықты баға бердім. Менің ойымша, бұған ешбір қажеттілік жоқ. Өйткені басқа интеграциялық бірлестіктер, соның ішінде, ең алдымен, Еуразиялық экономикалық одақ бар. Ядролық қаруға келетін болсақ, бізге бұл қару қажет емес. Себебі біз Ядролық қаруды таратпау туралы шарт пен Ядролық қаруды сынауға тыйым салу туралы шартқа қосылдық. Біз осы халықаралық құжаттар аясындағы міндеттемелерге адал болып қала береміз", – деді Қасым-Жомарт Тоқаев.

Еске салайық, бұған дейін Беларусь басшысы Александр Лукашенко ресейлік журналистің сұрақтарына жауап бере отырып, Қазақстанды одақтас мемлекетке "шақырған" болатын.

Фото: akorda.kz, president.gov.by