Мемлекет басшысы Қасым-Жомарт Тоқаевтың тапсырмасына сәйкес Айтуби ауылдық округі, Көкпекті ауылында жаңа блокты-модульді медициналық пункт ашылды.
Жаңа заманға сай салынған блокты-модульді медициналық пункттің ашылу салтанатына Қаратал ауданының әкімі Ұлан Досымбеков қатысып, ауыл тұрғындарын құттықтап, ашылған нысан азаматтарға сапалы медициналық көмек беретінін айтты.
– Құрметті Қаратал ауданының тұрғындары, бүгін ерекше қуанышты күн. Ауыл халқының денсаулығын нығайту мақсатында жаңа нысан пайдалануға берілді. Ешкім ауырмасын. Науқастанып қалған жағдайда медициналық мекеменің атқаратын рөлі зор, – деді аудан әкімі.
Бұдан соң салтанатты түрде жаңа ғимараттың лентасы қиылды.
Тұрғындар атынан Абай Құрмашев сөз алып, ауылдың көркеюіне өз үлесін қосып жатқан азаматтарға ризашылығын білдірді.
Қаратал ауданы