Оқи отырыңыз
Алматы облысында тұман мен көктайғақтың салдарынан бірнеше бағыттағы жолдарда қозғалыс шектелді. Аталған жайтқа байланысты облыстық төтенше жағдайлар департаменті тағы да ескерту жариялады. Бұл туралы "Жетісу" газеті хабарлады.
"Қазгидромет" РМК-ның дауылды ескертуі негізінде 26-28 желтоқсан күндері Алматы облысының тауларында тұман, көктайғақ болады және қалың қар түседі. Азаматтарды ауа райының өзгеруін бақылауға және сақтық шараларын қатаң ұстануға шақырамыз. Ұялы телефонға келетін СМС-хабарламаларға назар аударыңыздар, бұқаралық ақпарат құралдарының ескертуіне мән беріңіздер", - делінген департамент хабарламасында.
Еске сала кетейік, кеше 25 желтоқсан күні Алматы - Шелек - Қорғас (34-118, 24-140 шақырымдары), Үшарал - Достық (84-184 шақырымдары) бағытындағы жолдарда қозғалыс шектелді. Көктайғақтың салдарынан бірнеше көлік соқтығысты. Қазіргі таңда барлық бағыттағы жолдар ашық.
"ЖЕТІСУ-АҚПАРАТ"
