Талдықорған қаласында екі лауазымды қызметкер істі болып, оларға сот үкімі оқылды. Бұл туралы "Жетісу" газеті ҚР Сыбайлас жемқорлыққа қарсы іс-қимыл агенттігінің баспасөз қызметіне сілтеме жасап хабарлады.
Атап айтқанда, Талдықорған әскери госпиталінің бастығы жемқорлық үшін сотталды. Алматы гарнизоны әскери сотының үкімімен Талдықорған қаласы әскери госпиталінің бастығы, медицина қызметінің полковнигі А.Көлбаев 11 млн.теңге айыппұл арқалап, сотталды. Сондай-ақ, аталған аурухананың аға медбикесі А.Азимахуноваға 2 жылға бас бостандығын шектеу жазасы берілді.
Аталған тұлғалар госпиталь қызметкерінің жеке еңбек шартын ұзартумен байланысты қызмет бойынша жалпы қамқорлықты жүзеге асыру сылтауымен COVID-19-ға қарсы күрестегі жұмысы үшін оған түскен үстемақының 50 пайыз мөлшерінде 1 млн.теңге сомасында алдау және сенімін теріс пайдалану жолымен ақшалай қаражат алды деген күдікке ілінген. Полковник А.Көлбаев өмір бойы мемлекеттік қызметте жұмыс істеу құқығынан да айырылды.
"ЖЕТІСУ-АҚПАРАТ"
Сурет - ғаламтордан