"Ұрлық немесе алаяқтық ": Қазақстанда заңсыз несие алғаны үшін қылмыстық жауапкершілік алынғалы жатқаны рас па?

Қазақстанда бұдан былай заңсыз несие алғаны үшін қылмыстық жауапкершілікке тартылу мәселесі алынып тасталуы мүмкін.

Бұл туралы Мәжілісте өткен экономикалық құқықбұзушылықты қылмыссыздандыру туралы заң жобасына енгізілген түзетулер таныстырылымында айтылды. 

– Бұл – қылмыстық кодекстің 219-бабы “Несиені заңсыз алу немесе бюджеттік несиені мақсатсыз пайдалану”. Бапты қылмыстан айырып, 189 немесе 190-баптар бойынша квалификациялау мүмкін. Сонда ол ұрлық немесе алаяқтық болып саналады. Осыған ұқсас әрекет үшін жауаптылық 233-бапта көзделген. Бұл – заңнаманы бұза отырып, қарыз алу немесе пайдалану”, – деді парламент мәжілісінің депутат Абзал Құспан. 

Фото: minfin.com.ua-ден алынды