Оқи отырыңыз
Алматы облысында бірнеше бағыттағы автожолдарда қозғалыс шектелді. Бұл туралы облыстық төтенше жағдайлар департаменті хабарлады.
Кешкі сағат 18:30-дан бастап ауа райының нашарлауына байланысты (қатты боран, жолдың анық көрінбеуі) республикалық және облыстық маңызы бар "Алматы-Өскемен" (588-615 шақырымы), "Үшарал-Достық" (84-184 шақырымы), "Қапал-Арасан" (0 мен 45 шақырымы), Қапал ауылына кіреберіс (1-16 шақырымы) автожолдары барлық көлік түрлері үшін жабық.
Алматы облысының төтенше жағдайлар департементі азаматтардан осы бағыттағы сапарлардан бас тартуды және 112 қызметі беретін СМС-хабарламаларды назардан тыс қалдырмауды сұрайды.
Алыс жолға шыққан кезде ауа райы болжамымен танысып, төтенше жағдайларда сізге көмектесетін барлық қажетті заттарды өзіңізбен бірге алып жүріңіз!
"ЖЕТІСУ-АҚПАРАТ"
