Оқи отырыңыз
Жетісу облысының полиция қызметкерлері кәсіпкерлерге қатысты тексеру жүргізуге мораторий жарияланғанына қарамастан, тиісті актіні енгізбей, Талдықорған қаласы мен Ескелді ауданының 7 дәріханасын тексерген.
Бұл туралы 7-su.kz желілік басылымы ҚР Бас прокуратурасының баспасөз қызметіне сілтеме жасап хабарлайды.
Өз әрекеттерінің заңсыздығына қарамай, полиция аталған кәсіпкерлерге қатысты әкімшілік құқық бұзушылықтары туралы материалдар жинаған (дәрі-дәрмектерді рецептсіз босату) және фармацевтикалық бақылау саласындағы уәкілетті органға жолдаған.
Прокурорлық қадағалау актісі бойынша іс-қимылдардың заңсыздығын ескере отырып, тексеру іс-шаралары заңсыз, ал олардың нәтижелері жарамсыз деп танылды.
Кінәлі полицейлер тәртіптік жауапкершілікке тартылды.
Сурет: көрнекілікке алынды
