Оқи отырыңыз
Алматы облысының бас мемлекеттік санитарлық дәрігері 2021 жылдың 1 қазанынан бастап карантиндік шектеулерді жеңілдетуге байланысты жаңа Қаулы шығарды. Бұл туралы "Жетісу" газеті мәлімдеді.
Қаулыға сәйкес мынадай шектеулер алынып тасталды:
1) Барлық келушілердің «жасыл мәртебесін» ескере отырып, «Ашық» жобасына қатысушылар үшін жаппай мерекелік іс-шаралар, көрмелер, конференциялар, форумдар, корпоративтік, отбасылық іс-шаралар өткізуге рұқсат етіледі (еске алу, банкеттер, үйлену тойлары, мерейтойлар, ауызашар және басқа).
2) Алгоритмге сәйкес кездесулерді (сессияларды) өткізуге рұқсат етіледі (егер оларды қашықтан өткізу мүмкіндігі болмаса).
3) Кәсіпкерлік объектілер үшін демалыс күндеріндегі шектеулер (сауда-ойын-сауық орталықтары, азық-түлікке жатпайтын дүкендер, қоғамдық тамақтану, базарлар, ванналар, сауналар, спорт залдары, фитнес және басқалары) алынып тасталды.
4) Қалааралық, ауданаралық жолаушылар тасымалы, туристік тасымалдау жұмыстарына рұқсат.
5) 15 пайыздан аспайтын көрермендермен спорттық іс-шаралар өткізуге рұқсат етіледі.
6) Кемінде бір адам 4 шаршы метр аумақты қамтамасыз ететін, 30 пайыздан аспайтын діни объектілердің жұмысына рұқсат етіледі.
Алайда рұқсат етілген шараларға байланысты белгілі бір талаптар бар. Қаулының толық мәтінімен мына жерден таныса аласыздар.
"ЖЕТІСУ-АҚПАРАТ"
