Оқи отырыңыз
Алматы облысында кәсіпкерлікті дамытудың 2021-2025 жылдарға арналған ұлттық жобасы аясында шағын кәсіпкерлік субъектілеріне жаңа бизнес-идеяларды жүзеге асыру үшін мемлекеттік гранттар беруге қаражат қарастырылған.
Ұлттық жобаны іске асыруда, оның ішінде, жаңа бизнес-идеялар үшін шағын бизнес субъектілеріне мемлекеттік гранттар беру бойынша аймақтық үйлестірушісі Алматы облысының кәсіпкерлік және индустриалды-инновациялық даму басқармасы болып саналады.
Ағымдағы жылдың қыркүйек айында бұқаралық ақпарат құралдарында конкурс өткізу туралы хабарландыру жарияланды. Өтінімдер 2022 жылдың 21-25 қарашасы аралығында қабылданды. 1141 өтінім түсті, соның ішінде, қабылданғаны – 712, қайтарылғыны – 429 өтініш.
2022 жылдың 2 желтоқсанынан бастап конкурстық комиссияның отырыстарында жаңа бизнес-идеяларды іске асыруға грант алуға үміткер кәсіпкерлерден өтінімдерді іріктеу басталды. Өтініш берушілерді тыңдау нәтижесінде одан әрі қаржыландыру жобалары анықталады.
"АЛАТАУ-АҚПАРАТ"
