Оқи отырыңыз
Жыл басынан бері Жетісу облысының аумағында ауыл шаруашылығы жануарларын жаю ережелерін бұзғаны үшін 378 мал иесі әкімшілік жауапкершілікке тартылды, деп хабарлайды 7-su.kz желілік басылымы.
– Қараусыз мал қазіргі уақытта өзекті мәселесі болып тұр. Мал иелерінің үй жануарларын бағуға немқұрайлы қарауы физикалық және материалдық залал келтіретін көптеген мәселелердің туындауына алып келеді, – деп атап өтті Жетісу облысы ПД ППБ командирі Абылай Беркендыков.
Өңір полициясымен халықпен тұрақты негізде түсіндіру жұмыстары жүргізіледі, мал иелеріне ауыл шаруашылығы жануарларын жаюға немқұрайлы қараудың қауіптілігін, оның салдарынан қайғылы оқиғалар жиі орын алатынын түсіндіреді.
– Барлық ауыл шаруашылығы жануарларының иелерін жайылым ережелерін қатаң сақтауға және автожолдарда үй жануарларының болуына жол бермеуге шақырамыз. Есіңізде болсын, сіздің жауапсыздығыңыз біреудің өмірін қиюы мүмкін, – деп қосты А. Беркендыков.
Қабылданып жатқан шараларға қарамастан, өңірде малдың еркін жайылып жүру фактілері орын алуда. Кейбір азаматтардың өз малдарын жаюға жауапсыз қарауының нәтижесінде облыс аумағында жыл басынан бері 2 ЖКО орын алып, нәтижесінде 2 адам қаза тауып, 1 адам дене жарақатын алды.
Фото: Жетісу облысы ПД
