Оқи отырыңыз
Тіл – мемлекет тірегі, халықтың рухани байлығы, өткені мен болашағының айқын көрінісі. Ана тілінің қадір-қасиетін білетін халқымыз оны ұлттың жанына балайды. Себебі, тіл – халықтың кескін-келбеті, ұлттық болмысы.
Адамды асыл мұратқа жеткізетін – ана тілі мен ата дәстүрі. Тіл – еркіндіктің айғағы, тәуелсіздікпен егіз ұғым. Онсыз егемендіктің құны бәсең. Ана тілі мен баба үні – тәуелсіздіктің қуатты тірегі, бірлік пен ынтымақтың жығылмас туы. Қазақ елі еркіндікке қол жеткізгелі ширек ғасыр болды. Осы уақыттың ішінде мемлекетіміз қарыштап дамып, әлемге әйгіленді.
Қазақ тілі – мемлекеттік тіл. Бұл тұста Елбасымыз Нұрсұлтан Назарбаев: «Қазақтың болашағы – қазақ тілінде», – деп алдымызға айқын жол ашып берді. Бізге тек осы ұстанымды жүзеге асыруға бар күш-жігерді салып, еңбек ету керек. Тәуелсіз Қазақстанның болашағы – біз, яғни қазақ жастары. Демек, біздің міндетіміз – қазақ тілінің мәртебесін асыру болмақ. Нұрсұлтан Әбішұлының: «Қазақпен қазақ қазақша сөйлессін», – деген ұлағатты сөзін ескермей кету мүмкін емес. Сондықтан, баға жетпес қазынамызды қастерлеп, болашаққа аманаттауға міндеттіміз.
Г. Таубаева,
Талдықорған қалалық әділет
басқармасының инспекторы.
