Оқи отырыңыз
Файтер Асу Алмабаев (17-2) UFC-мен келісімшартқа отырды. Бұл жайында Dar Team командасының PR-менеджері Зарина Буенбаева мәлімдеді, деп 7-su.kz желілік басылымы BAQ.KZ сайтының дерегіне сүйеніп хабарлайды.
Алмабаев 19 жекпе-жек өткізіп оның 17-сінде жеңіп, екеуінде ғана жеңілген. Сондай-ақ, оның Brave FC промоушенінде төрт жекпе-жек өткізіп, төрт жекпе-жекте де жеңіске жеткен.
Naiza League президенті Нұрбек Қарабала Асу Алмабаевтың UFC-ге ауысқанына қатысты пікір айтты.
Барша Қазақстандықтарды UFC-ге кезекті батырымыздың келісімшартқа отыруымен құттықтағым келеді. Көп жұмыс атқарылды, DAR TEAM командасының негізін қалаушы Алидар Болатұлына үлкен рахмет айтқым келеді, аралас жекпе-жек спортының дамуына қосқан үлесі орасан зор, - деді Қарабала.
Еске салайық, қазақстандық Жалғас Жұмағұлов (14-8) UFC-де жеңіл салмақта өнер көрсетеді. Ол келесі жекпе-жегін америкалық Нейтан Мэнесске (14-3) қарсы өткізеді.
