Оқи отырыңыз
Жетісу облысының Еңбек инспекциясы бойынша басқармасы облыс кәсіпорындары мен ұйымдарының басшылары бизнестің әлеуметтік жауапкершілігі жөніндегі «ПАРЫЗ 2023» республикалық конкурсына қатысуға шақырады.
Конкурс 2008 жылғы 23 қаңтардағы №523 ҚР Президенті Жарлығына сәйкес, ҚР бүкіл аумағында өткізіледі, оған жеке кәсіпкерлік субъектілері қатыса алады. Конкурс лауреаттарының атақтары екі санат бойынша: шағын және орта кәсіпкерлік субъектісі, ірі кәсіпкерлік субъектісі және мынадай номинациялар бойынша беріледі:
1).«Үздік әлеуметтік жауапты кәсіпорын».
2). «Еңбекті қорғау саласындағы үздік кәсіпорын».
3). «Үздік ұжымдық шарт».
4). «Экологияға қосқан үлесі үшін»
5). "Жылдың үздік әлеуметтік жобасы".
Конкурстың негізгі маңыздылығы – қазақстандықтардың әл-ауқатын жақсарту мен бизнес-құрылымның еліміздің дамуына қосқан үлесін, бизнестің әлеуметтік жауапкершілігін елімізде жария ету болып табылады.
Байқауға қатысу өтінімдер мен ақпаратты 2023 жылдың 1 шілдесіне дейін Талдықорған қаласы, Қабанбай батыр көшесі 26 үй мекен жайы бойынша Басқармамен қабылданады
