Оқи отырыңыз
Алматы облысының эпидемиологиялық ахуал матрицасы бойынша Талдықорған қаласы "қызыл аймаққа" кірді. Бұл туралы "Жетісу" газеті хабарлады.
Наурыз айының басынан бері Талдықорғанда коронавирус жұқтырғандар саны 433 адамға жеткен. Қаланың бас санитар дәрігері сәуірдің 1-15 аралығында карантин шараларын күшейту жөнінде шешім қабылдап, арнайы Қаулы шығарды. Бұл күндері облыс орталығындағы жұмысшы саны 20-дан асатын мекемелер мен ұжым қызметкерлерінің 70 пайызы онлайн форматта жұмыс істеуі тиіс. Сондай-ақ, барлық білім мекемелерінде оқыту қашықтықтан жүргізіледі. Демалыс күндері локдаун жарияланып, азық-түлік пен құрылыс материалдарынан басқа тауар сататын сауда орталықтары, қоғамдық тамақтану орындары жабылады.
Сенбі, жексенбі күндері сауықтыру орындары мен қоғамдық монша, сауналар, театр мен кинотеатрлар жұмыс істемейді. «Мұғалімдер мен оқушылардың арасында екі айдың ішінде 39 оқушы коронавирус инфекциясымен науқастанды, сондай-ақ, 17 мұғалім індет жұқтырды. Сол себепті біз мектептерді онлайн режимге жіберіп жатырмыз», - деді Талдықорғанның бас санитар дәрігері Ермек Әсемқұлов.
Бүгінгі таңда Талдықорған қаласында карантин талаптарын күшейту туралы Қаулы шыққан. Қаулы 1 сәуірден бастап күшіне енеді. Айта кетейік, Қазақстанда Нұр-Сұлтан мен Алматы қалалары, Атырау, Батыс Қазақстан және Ақтөбе облыстары "қызыл аймақта". Ал жалпы әлемдік эпидахуал көрсеткіші бойынша Қазақстан тұтастай "қызыл аймаққа" өтті.
Алматы облысы тұрғындарынан сақтық шараларын қатаң ұстанып, көпшілік жиналатын орындарға бармауға кеңес береміз. Сондай-ақ, бетперде режимін сақтап, жақындарыңызға жанашыр болыңыз! Өткен жылдың қателігін қайталамайық!
Талдықорған қаласы бойынша бас санитардың Қаулысы (толық нұсқасы)
Қазақстан Республикасының 2020 жылғы 7 шілдедегі № 360-VI ҚРЗ «Халық денсаулығы және денсаулық сақтау жүйесі туралы» Кодексінің 104-бабының 2-бөлігіне, Қазақстан Республикасы Бас мемлекеттік санитариялық дәрігерінің қаулылары 2020 жылғы 25 желтоқсандағы №67 және №68, 2021 жылғы 26 ақпандағы №7, 2021 жылғы 27 ақпандағы №9, 2021 жылғы 05 наурыздағы №10. Алматы облысының Бас мемлекеттік санитариялық дәрігерінің м.а №6 қаулысына сәйкесТалдықорған қаласының тұрғындары арасындаCOVID-19 коронавирустық инфекциясының таралуын ескерту мақсатында ҚАУЛЫ ЕТЕМІН:
Талдықорған қаласында коронавирустық инфекцияның таралуын болдырмау жөніндегі жедел штабтың шешімі бойынша 2021 жыл 01 сәуір сағат 00:00-ден 2021 жыл 15 сәуір сағат 07:00-ге дейін, Талдықорған қаласында карантиндік режим мен келесі шектеу шаралары енгізілсін:
1.1.медициналық, полиция, өртке қарсы қызмет, авариялық-құтқару және өзге де шұғыл коммуналдық қызмет (жылумен, сумен, ЖЖМ, АГҚБ, ЖҚБ, байланыс, коммуникация, инкассация қызметі, қатты тұрмыстық қалдықтарды шығару, дезинфекциялау,санитарлық тазарту және жетілдіру, көп қабатты тұрғын үйлерге сантехникалық қызмет көрсету) қызметкерлерін қоспағанда, Талдықорған қаласының аумағындағы меншік нысанына қарамайтын ұйымдардың барлық кеңсе қызметкерлерін (қызметкерлер саны 20 және одан көп адам болатын ұйымдар қызметкерлерінің кемінде 70%) қашықтықтан жұмыс істеуге ауыстыру;
1.2.жұмысы қашықтықтан жүргізілмейтін қызметкерлерді бір реттік бетперделермен қамтамасыз ету, бір реттік медициналық немесе қорғаныс бетперде кию режимін міндетті түрде сақтау (уақытылы ауыстыру);
1.3. өткір респираторлық инфекциялар (жоғары температура, жөтел, мұрынның бітелуі және т.б.) белгілері бар персоналды жұмысқа жібермеу.Анықталған жағдайда, анықтау орны бойынша оқшаулау шараларын қабылдау, 103 нөмірі бойынша медициналық көмекке жүгініңіз;
1.4.мектептер, жоғары оқу орындары мен колледждерде онлайн-білім беру жалғастырылсын;
1.5. отбасы мүшелерін қоспағанда, 3 адамнан артық бірге жүруге тыйым салынады;
1.6. 65 жастан асқан адамдар үшін далада жүруді шектеу.
1.7.ҚР БМСД №67 қаулысында көрсетілген алгоритмдерге сәйкес жұмыс ауысымына кемінде 2 рет тазалау мен дезинфекциялаудың күнделікті кестесін әзірлеу;
1.8.жексенбі күндері ғимараттарда және оның айналасын жалпы жинау және дезинфекциялау жүргізілсін;
1.9.қызмет көрсету саласындағы нысандарға (сұлулық салондары, шаштараздар, косметология, химиялық тазарту, кір жуатын орындар, кеңсе жабдықтарын жөндеу және т.б.) және адамдар көп жиналатын жерлерде тамақтану орындарына ауаны залалсыздандыру қондырғыларын (экрандалған бактерицидтік сәулелендіргіштерді, рециркуляторларды) орнату ұсынылады.
2. Қала әкімі, ауылдық округтердің әкімі, полиция бөлімі, Талдықорған каласының кәсіпкерлік бөлімі және Талдықорған каласының Кәсіпкерлер палатасы, барлық кәсіпкерлік субъектілері мен жеке,заңды тұлғалар келесі қызметтердің ТОҚТАТЫЛУЫН қамтамасыз етсін:
2.1.залдарда толтырылуы 30 орыннан жоғары қоғамдық тамақтану объектілері (мейрамханалар, кофеханалар, дәмханалар, банкет залдары, фудкорттар, асханалар, барлар);
2.2.әсерлі, мәдени, спорттық-бұқаралық іс-шаралар, көрмелер, конференциялар, форумдар, отбасылық, еске алу шаралары (банкеттер, үйлену тойлары, мерейтойлар, еске алу және т.б.) жаппай корпоративті және басқа іс-шараларды өткізу үшін жеке үй мен ғимараттарды жалға алу;
2.3.ойын-сауық нысандары, соның ішінде түнгі клубтар, кальян қонақтары, букмекерлік кеңселер, бильярд бөлмелері, караоке, PS-клубтар, квесттер, анти-кафелер, боулинг орталықтары, лото клубтар, компьютерлік клубтар, балалар ойын-сауық орталықтары, аттракциондар, оның ішінде ғимарат ішіндегі және (даладағы) ашық ойын алаңдары (батуттар,саябақтар мен орталық алаңдарда жалға берілетін велосипедтер мен электрлі скутерлер, жануарларға міну).
2.4.жаттығу сабақтарын қоспағанда, бассейндер;
2.5.жеке кездесулер (жиналыстар, семинарлар, форумдар, тренингтер, конференциялар) өткізуге;
2.6.көрермендердің қатысуымен өтетін спорттық шаралар ұйымдастыруға;
2.7. қалалық тұрақты емес (туристік) тасымалдау.
3.Қала әкімі, ауылдық округтер әкімдері, Алматы облысының жолаушылар көлігі және автомобиль жолдары басқармасы күшейтілген санитарлық-дезинфекциялық және бетперде режимін сақтай отырып, сондай-ақ отыратын орындар санынан артық толтырылмауын қамтамасыз етсін::
3.1. қоғамдық көліктер бойынша жұмыс кестесін сағат 23-00-ге дейін ұзартумен, сондай-ақ қарбалас уақытта автобустардың санын көбейту, жолаушыларды отырғызу / шығару кезінде барлық есіктердің ашылуын қамтамасыз етілсін;
3.2. әрбір рейс алдында қоғамдық көлікті жуу және дезинфекциялау құралдарынқолдана отырып өңдеу жүргізу, қоғамдық көлікті күніне кемінде екі рет тоқтату;
3.3. Талдықорған – Көксу ауданы - Талдықорған, Талдықорған – Ескелді ауданы – Талдықорған, Талдықорған - Текелі – Талдықорған қалалары мен аудандары арасындағы ресми және ресми емес (тіркелмеген) жеке тасымалдаушылардың (автобустар, Газельдер, шағын автобустар) жолаушылар тасымалына тыйым салынсын.
4.Қала әкімі, ауылдық округтердің әкімі, Талдықорған қаласының полиция бөлімі, мемлекеттік ұйымдар мен кәсіпорындар, кәсіпкерлік субъектілері және басқа заңды және жеке тұлғалар демалыс күндері (СЕНБІ ЖӘНЕ ЖЕКСЕНБІ) қызметтің тоқтатылуын қамтамасыз етсін:
4.1.қоғамдық тамақтану объектілеріне жеткізуге және шығаруға уақыт шектеусіз рұқсат етіледі;
4.2.сауда-ойын-сауық орталықтары, сауда үйлері (орталықтары), сауда желілеріоларда орналасқан азық-түлік супермаркеттері мен дәріханаларын қоспағанда;
4.3.азық-түлік өнімдерін сатуды қоспағанда, сатылған ассортиментіне қарамастан барлық сауда базарлар, сауда дүкендері (тұрмыстық техника және т.б.), көлік құралдары мен саяжайлар үшін қосалқы бөлшектер сататын дүкендер (ҚР БМСД № 67 қаулысының талаптарын сақтай отырып);
4.4.барлық мәдени нысандар (театрлар, мұражайлар, көрмелер және т.б);
4.5 кинотеатрлар;
4.6.SPA орталықтары, спорт залдары, спорттық ғимараттар, фитнес орталықтары, сауналар;
4.7.тұрғындардың тіршілік көзін қамтамасыз ететін мамандандырылған көлік құралдарын қоспағанда кез-келген көлік түрінің қозғалысы тоқтататылсын (полиция бөлімшелері, жедел медициналық көмек қызметі, өрт сөндіру қызметі, жүк көліктері мен жеңіл автомобильдер, дәрі-дәрмек және т.б.), сондай ақ, келесі көшелер бойынша анықталмаған орындарда сауданың жүргізілмеуі:
- Гаухар Ана: Ақын Сара көшелерінен Шевченко көшесіне дейін:
- Біржан Сал: Құрманов көшелерінен Қабанбай батыр көшесіне дейін.
5.Қала әкімі, ауылдық округ әкімдері, кәсіпкерлік және индустриалды-инновациялық даму бөлімі және Алматы облысы Кәсіпкерлер палатасы (келісім бойынша) бетперделік режим, әлеуметтік арақашықтық пен күшейтілген санитарлық-дезинфекциялық іс-шараларды сақтай отырып қызметіне рұқсат беруді қамтамасыз етсін:
5.1. бизнес орталықтарының (несиелік серіктестіктер, микроқаржы ұйымдары, сақтандыру компаниялары, нотариус, есепші және консалтинг, жылжымайтын мүлік агенттіктері, жарнама агенттіктері, сот приставтары және т.б.), екінші деңгейлі банктердің, айырбастау пункттерінің, ломбардтардың жұмысын ұйымдастыруды белгілей отырып, жұмыс күндері және демалыс күндері сағат 9.00-ден 18.00-ге дейін;
5.2. ерекше білім берілуіне қажеттілігі бар балаларға арналған арнайы, мамандандырылған ұйымдардың, арнайы мектеп-интернаттардың( оның ішінде ата-анасының қамқорлығынсыз қалған жетім балаларға арналған), жалпы үлгідегі мектеп-интернаттардың, дарынды балаларға арналған мектеп-интернаттардың, күшейтілген санитарлық-эпидемияға қарсы және санитарлық-профилактикалық шараларды сақтай отырып, тек аудандар мен басқа аймақтардан келіп оқитын балаларды ғана орналастыру.Оның жұмысына «Қазақстан Республикасы Денсаулық сақтау министрінің бұйрығына өзгерістер енгізу туралы» Қазақстан Республикасы Денсаулық сақтау министрінің 2020 жылғы 28 тамыздағы №ҚР ДСМ-98/2020 бұйрығының 10 тарауына сәйкес, 2017 жылғы 16 тамыздағы №611 «Білім беру объектілеріне қойылатын санитарлық-эпидемиологиялық талаптар туралы» ережелерін қатаң түрде сақтай отырып рұқсат етілсін. Осы тармақта көрсетілген мекемелерге баратын балалар немесе қызметкерлер арасында COVID-19 індетіне бір жағдайы тіркелсе, инкубациялық кезең аяқталғанға дейін карантинге жабылуын қамтамасыз ету;
5.3. 30 орыннан аспайтын тамақтану объектілері (мейрамханалар, кафелер, барлар, асханалар)толтырылуы 50%-ға дейін,бір үстелге 4-тен аспайтын адам саны мен көршілес үстелдердің арасындағы 2 метр арақашықтықты сақтай отырып, жұмыс күндері сағат 07:00-ден 21:00-ге дейін жұмыс кестесін белгілей отырып рұқсат етіледі.Демалыс күндері (СЕНБІ ЖӘНЕ ЖЕКСЕНБІ) жұмыс істеуге тыйым салынады;Алып кету және жеткізу жұмыстары үшін уақыт шектеусіз.Жаппай корпоративті және басқа да кез-келген іс-шаралар, мәдени бағдарламаларды (музыкалық кештер, ойын-сауық, ән айту, би және өзге де іс-шаралар) өткізуге тыйым салынады.Сондай-ақ,әсерлі, мәдени, спорттық-бұқаралық іс-шаралар, көрмелер, конференциялар, форумдар, отбасылық, еске алу шаралары (банкеттер, үйлену тойлары, мерейтойлар, еске алу және т.б.) өткізу үшін жеке үй мен ғимараттарды жалға алуға және қоғамдық тамақтану объектілерінде кальян қолдануға қатаң тыйым салынады;
5.4.косметологиялық қызметтер, маникюр және педикюр қызметтерін көрсететін сұлулық салоны, шаштараздар (келушілерді тек бетпердемен ғана қабылдауды қамтамасыз ете отырып, алдын-ала жазылу бойынша, жұмыс орындары арасындағы әлеуметтік арақашықтықты сақтай отырып);
5.5.азық-түлік дүкендері (минимаркеттер, супермаркеттер, гипермаркеттер) ҚР БМСД № 67 қаулысының талаптарын сақтай отырып;
5.6.тұрғындарды орналастыру (қонақ үйлер) бойынша қызмет көрсету саласының объектілері адам сыйымдылығы 80% -дан асырмау;
5.7.мектепке дейінгі ұйымдардағы кезекші топтар мен мектепке дейінгі шағын орталықтар (топта 15 адамнан көп емес) ҚР БМСД № 67 қаулысының талаптарын сақтай отырып орындап жұмыс істеуге;
5.8.діни орындар (мешіт, қасиетті орындар мен шіркеу), ұжымдық іс-шаралар өткізбестен, тек жеке кездесулер үшін;
5.9.моншалар, сауналар, СПА орталықтары, алдын-ала жазылу арқылы, адам сыйымдылығы 50% -дан аспыртпау, жұмыс уақыты 08:00-ден 22:00-ге дейін жұмыс істеуге;СПА орталықтары мен сауналарғасенбі және жексенбі күндері жұмыс істеуге тыйым салынады;
5.10.сауда ойын-сауық орталықтарының, сауда объектілерінің толтырылуы 30% -дан аспайтын және бір келушіге кемінде 4 м2алаң ұйымдастырылған болса, ҚР БМСД №67 қаулысының талаптарын сақтай отырып, жұмыс күндері сағат 10:00-ден 20:00-ге дейін, алып кетуге және жеткізуге уақыт шектеусіз рұқсат етіледі. Сенбі және жексенбі күндері жұмыс істеуге тыйым салынады;
5.11.құрылыс дүкендері, сондай-ақ көлік құралдары мен саяжайлар үшін қосалқы бөлшектер сататын дүкендер, ҚР БМСД № 67 қаулысының талаптарын сақтай отырып жұмыс істеуге рұқсат етілсін;
5.12.азық-түліктік және азық-түліктік емес жабық базарлар (адам сыйымдылығы 30% -дан аспайтын), кіре берістегі термометрияны қолдана отырып, жұмыс уақыты 10:00-ден 17:00-ге дейін жұмыс істеуге рұқсат етілсін. Азық-түлік саудасын қоспағанда, сенбі мен жексенбі күндері жұмыс істеуге тыйым салынады;
5.13.спорттық ғимараттар, фитнес орталықтар, спорт залдары, би (орталықтар), егер 1 келушіге кемінде 5 м2 алаң ұйымдастырылған болса, жалпы сыйымдылықтың 30% -ынан аспауы керек (жобаға сәйкес келушілердің жалпы саны объектінің қуатынан асыртпау), келушілерді алдын-ала тіркеу және ҚР БМСД № 67 қаулысының талаптарын орындау бойынша жұмыс істеуге рұқсат етілсін; Сенбі мен жексенбі күндері жұмыс істеуге тыйым салынады;
5.14.балалар бөлмелері/түзету орталықтары, балалар мен ересектерге арналған білім беру орталықтары, топтағы адамдар саны - 15 адамнан көп емес, алдын ала жазылу бойынша, ҚР БМСД № 67 қаулысының талаптарын орындау бойынша жұмыс істеуге рұқсат етілсін;
5.15.кинотеатр, театр қызметтері (толу деңгейі 20%-дан аспайтын, infokazakhstan.kz порталында тіркеу, бетперде режимін сақтау, шахматтық тәсілде отырғызу, әлеуметтік арақашықтықты сақтау, ҚР БМСД № 67 қаулысының талаптарын орындау бойынша жұмыс істеуге рұқсат етілсін. Сенбі және жексенбі күндері жұмыс істеуге тыйым салынады;
5.16.мәдени нысандар, оның ішінде мұражайлар, мәдениет үйлері және т.б. (тұрғындардың орналасу деңгейі 20% -дан аспайтын, оның ішінде ұжымдық жаттығулар 20 адамға дейін, кем дегенде 2 метр әлеуметтік арақашықтықты сақтай отырып, үзіліс кезінде үй-жайларды желдету, бетперделерді қолдану);
5.17.халыққа қашықтан қызмет көрсету объектілерінің қызметі (техникалық қызмет көрсету станциялары, автокөлік жуу орындары, автокөлік жөндеу, дөңгелектерді ауыстыру, автосалондар, химиялық тазалау және басқалары) ҚР БМСД № 67 қаулысының талаптарын орындау бойынша жұмыс істеу;
5.18.психологиялық-педагогикалық түзету кабинеті, меншік нысанына қарамастан арнаулы әлеуметтік қызмет көрсететін күндізгі болу орталықтары қызметкерлері 100% қашықтықтан жұмыс істеуге ауыстырылсын.
6. Карантиндік іс-шаралар өткізу кезінде жұмыс істейтін мемлекеттік органдар (ұйымдар, кәсіпорындар), сондай-ақ меншік нысанына қарамастан, келесі санитариялық-дезинфекциялық режимдерді сақтауға міндетті:
6.1.барлық мемлекеттік кәсіпорындар, органдар мен ұйымдар, қаладағы COVID-19 эпидемиологиялық жағдайын тұрақтандыру мақсатында, Қазақстан Республикасының қолданыстағы еңбек заңнамасына сәйкес сараланған жұмыс кестесін енгізеді;
6.2.ірі кәсіпкерлік субъектілеріне, сондай-ақ қызметкерлерінің орташа жылдық саны 250 адамнан асатын мемлекеттік кәсіпорындарға, органдар мен ұйымдарға кәсіпорындардың қызметкерлерін тасымалдау үшін қызметтік көлік құралдарын (автобустар / шағын автобустар) пайдалану ұсынылады.
7.«Азаматтарға арналған үкімет» мемлекеттік корпорациясы филиалы мен«Қазпошта»АҚ филиалы:
7.1.халыққа қызмет көрсету орталықтарыныңжұмысын (халыққа арнайы қызмет көрсету орталықтары, Open Талдықорған қызмет көрсету), алдын ала жазылу, электрондық кезек (Egov.kz, телеграмм-бот EgovKZBot2.0, байланыс үшін 1414) арқылы, халықтың көп жиналуын болдырмау және кемінде 2 метр әлеуметтік қашықтықты, күшейтілген санитариялық-дезинфекциялық режимді сақтау мақсатында басқа да шараларды сақтай отырып, жұмыс уақыты 9:00 ден 18:00-ге дейін, сенбі және жексенбі күндері 9:00 ден 15:00-ге дейін ұйымдастыру;
7.2.«Қазпошта» бөлімшелері онлайн режимде көрсетілмейтін қызметтер үшін 9.00-ден 18.00-ге дейін жұмыс кестесін белгілей отырып, ғимаратта2 метр әлеуметтік арақашықтықты және күшейтілген санитарлық-дезинфекциялық режимнің сақталуын қамтамасыз ете отырып, халық өзіндікжүзеге асыра алмайтын почта хат-хабарларымен (хаттармен, сәлемдемелермен және т.б.) байланысты жұмыстарды қызметкерлер бір реттік қолғапта (халат, медициналық бетперде, қолғап) және медициналық бетпердемен қызмет көрсетуге рұқсат етілсін.
8.Қала әкімі, ауылдық округ әкімдері, Талдықорған қаласының полиция бөлімі қамтамасыз етсін:
8.1.жоғарыда көрсетілген талаптар орындалмаған кезде немесе заң бұзушылықтар анықталған жағдайда, Қазақстан Республикасының қолданыстағы заңнамасына сәйкес, оның ішінде профилактикалық сипаттағы шаралар қабылдауға;
8.2.Бас мемлекеттік санитарлық дәрігерлердің қолданыстағы ережелерінің сақталуына рейдтік тексерулер жүргізу бойынша бақылау топтарының жұмысын күшейту.
8.3.қоғамдық көліктерді, таксилерді, өндірістік аймақтарды, аулалық ойын алаңдарын, азық-түліктік және азық-түліктік емес базарлар мен басқа да қоғамдық орындарды санитарлық-дезинфекциялық өңдеу.
9.Қала әкімі, ауылдық округ әкімдері, денсаулық сақтау басқармасы, Талдықорған қаласының полиция бөлімі:
9.1. медициналық қызметкерлердің COVID-19 инфекциясының алдын алу мақсатында денсаулық сақтау ұйымдарының аймақтарды бөлу және жұмыс уақытын сақтау (ҚР БМСД 2020 жылғы 25 желтоқсандағы №67 қаулысының 2-қосымшасына сәйкес).
10.Алматы облысының кәсіпкерлер палатасы (келісім бойынша) ішкі саясат басқармасы, Талдықорған қаласы кәсіпкерлік және индустриалды-инновациялық даму басқармасы және бұқаралық ақпарат құралдары:
10.1.ақпараттық арналар арқылы қызметі тоқтатылатын объектілерді хабарлау, мамандандырылған бірлестіктердің қатысуымен бейнеконференциялар, қажетті ақпаратты ресми веб-ресурстарға орналастыру;
10.2.тұрғындар арасында COVID-19 таралуының алдын алу, аурудың алдын-алу жеке шаралары мен мінез-құлық тактикасы туралы түсіндіру жұмыстарын күшейту;
10.3.ресми ақпарат көздерінен (coronavirus2020.kz. anti-corona.kz, Үкіметтің, Денсаулық сақтау министрлігінің және әкімдіктердің ресми сайттары) халыққа нақты ақпарат орналастыру.
11.Талдықорған қаласының қонақтары мен тұрғындары үшін:
11.1.қызметі қалпына келтірілмеген объектілерге баруға тыйым салынады:
ойын-сауық нысандары оның ішінде түнгі клубтар, кальян барлары, көрмелер, букмекерлік, бильярд, караоке, PS-клубтар, квесттар, антикафе, боулинг-орталықтар, лото-клубтар, компьютерлік клубтар, сауда нысандарындағы балалардың ойын алаңдары, жабық үй-жайлардағы батуттар, аттракциондар;
11.2.қоғамдық орындарға, оның ішінде қалалық қоғамдық көліктерге және қызметіне рұқсат етілген объектілерге бару кезінде (5 жасқа дейінгі балаларды қоспағанда) бетперде кию, арақашықтықты сақтау және антисептиктерді қолдану талаптарын қатаң сақтау.
12.Кәсіпкерлік субъектілерінің (объектілерінің) басшылары, барлық жеке және заңды тұлғалар, олардың филиалдары мен өкілдіктері, жеке кәсіпкерлер, мемлекеттік кәсіпорындар мен мекемелер, олардың меншік нысандары мен ведомстволық бағыныстылығына қарамастан бәрі де осы қаулының талаптарын қатаң сақтауы тиіс.
13.Бұл қаулы барлық мүдделі органдардың, ведомстволардың назарына жеткізілуі керек, бұқаралық ақпарат құралдары мен әлеуметтік желілер арқылы ақпараттандырылуы керек.
14. Қаулы меншік нысаны мен ведомстволық бағыныстылығына қарамастан барлық жеке және заңды тұлғалар, кәсіпкерлік субъектілері үшін міндетті болып табылады.
15. Осы қаулының орындалуын бақылауды өзіме қалдырамын.
16.Карантин режимі мен мерзімдері «COVID-19» коронавирустық инфекциясының таралуы жағдайына сәйкес өзгертілуі мүмкін.
17. Осы қаулы 01 сәуір 2021 жылы сағат 00:00 – ден бастап күшіне енеді.
Ермек ӘСІМҚҰЛОВ,
Талдықорған қаласының Бас мемлекеттік санитариялық дәрігері
