Оқи отырыңыз
Алматы облысының полицейлері "Есірткіге жол жоқ" атты арнайы белгісі бар бетперделер таратты. Бұл туралы Алматы облысының полиция департаменті хабарлады.
Коронавирустық пандемия басталғалы Алматы облысының полиция қызметкерлері облыс тұрғындарына 7000-нан астам медициналық бетперде үлестірді. Тұрғындар тарапынан осыған ұқсас іс-шаралар қолдауға ие және бастаманы құптап, тәртіп сақшылары таратқан бетпердеден өздеріне және жақындарына да алады.
Кезекті акцияны Алматы облысы полиция департаментінің есірткі қылмысына қарсы іс-қимыл басқармасының қызметкерлері өткізді.
- Қазіргі карантин жағдайында акциямыз екі мақсатты көздеді. Ең алдымен, жас ұрпаққа есірткінің зияны туралы жеткізу, сондай-ақ, коронавирустық инфекция таралуының алдын алу. Бетперделерде стоп-есірткі логотипі бар, - деп түйіндеді Алматы облысы ПД ЖПБ бастығы, полиция полковнигі Қазбек Мұхамедов.
"ЖЕТІСУ-АҚПАРАТ"
