Оқи отырыңыз
Алакөл жағалауында демалушылар жаппай төбелесті. Жанжал Ақши ауылындағы дәмхананың бірінде болған.
Алматы облыстық полиция департаменті баспасөз қызметінің мәліметінше, оқиға тамыздың 15-нен 16 қараған түні Алакөлде демалушылар көп келетін аумақтың бірінде болған. «Қылмыстық кодекстің 293-бабы, яғни, бұзақылық бойынша қазір қылмыстық іс қозғалды. Жанжалды шығарғандарды анықтау, іздеу жүргізіліп жатыр.
Айта кету керек, топтасып төбелесу фактісі бойынша куәгерлер не болмаса зардап шеккендер әзірге полицияға хабарласпады», - деп мәлімдеді аталған ведомство өкілдері. Полиция ақпаратына сәйкес, дәмхана әкімшілігі бұзақыларға қатысты арыз жазған. Тергеу жүріп жатыр.
"ЖЕТІСУ-АҚПАРАТ"
