Оқи отырыңыз
Алматы облысының полиция өкілдері Армениядан келген көліктерді тіркеу тәртібін түсіндірді. Бұл туралы Алматы облысының полиция департаменті мәлімдеді.
Мемлекет басшысының Үкіметке бұған дейін берген тапсырмасына сәйкес, Армениядан келген көліктерді уақытша тіркеу мәселесін шешу тапсырылған. ҚР Үкіметінің 2020 жылғы 20 мамырдағы №306 Қаулысына сәйкес Қазақстан Республикасы азаматтарының Армения Республикасында тіркелген жекелеген көлік құралдарын елімізге әкелуі мен пайдалануының кейбір мәселелері бекітілді.
Алматы облысының полиция департаментінде облыс тұрғындарының еліміздегі Армения көліктерін уақытша тіркеуге қатысты кез-келген сұрақтарына жауап беру үшін байланыс орталығы құрылды.
- Call-орталық таңғы 09.00-18.00 аралығында жұмыс жасайды. Азаматтар көліктерді уақытша тіркеу бойынша тиісті ақпараттарды 8/7282/41-11-26 немесе 8 701 788 07 47 және 8 747 700 0506 телефондары арқылы ала алады, - деді Алматы облыстық полиция департаменті әкімшілік полиция басқармасының бастығы Дәулет Молдаханов.
ҚР Үкіметінің қаулысы бойынша мемлекеттік тіркеу үшін алым мен Қазақстан Республикасы Салық кодексінің 615-бабына сәйкес мемлекеттік баждар төлей отырып, Армения Республикасының уәкілетті органдарында Қазақстан Республикасының азаматтарына тіркелген және Қазақстан Республикасына 2020 жылғы 1 ақпанға дейін әкелінген, жүргізу органдары сол жақта орналасқан көлік құралдарын тіркеуге жатады. Сонымен қатар, Қазақстан Республикасының заңнамасын бұза отырып, 2020 жылғы 1 ақпаннан кейін елімізге Армения Республикасынан көлік құралдарын әкелген адамдар заңнамада белгіленген жауапкершілікке тартылады.
Полицейлер таратқан ақпарат бойынша азаматтар 1 маусымнан үш ай ішінде көліктерін тіркеуден өткізуі тиіс. Талапқа сәйкес рөлі оң жақта орналасқан автокөліктер тіркеуден кері қайтарылады. Арменияда тіркелген көлік иесі: тіркеу жарнасы үшін – 695 теңге, тіркеу куәлігі үшін – 3 473 теңге және мемлекеттік тіркеу нөмірі үшін – 7 778 теңге төлейтіні анықталды. Яғни, шетелдік көлікті тіркеуге жалпы сомасы 11 946 теңге төленеді.
Армениялық көлігіңізді тіркеу үшін:
- жеке басынңызды куәландыратын құжат;
- мемлекеттік тіркеу алымының төленгені туралы құжаттар;
- Армения Республикасының уәкілетті органы шығарған көлік құралдарына арналған СРТС және МТНБ;
- автокөлік құралдарын тіркеуге ұсынылған, мемлекеттік немесе орыс тілдерінен басқа тілде жасалған құжаттар;
- арнайы жазбаларға келесі жазбалар енгізіледі: «TСРА» және «басқа тұлға үшін тіркеуге жатпайды»;
- Қазақстан Республикасында шығарылған көлік құралында СРТС және (немесе) МТНБ жоғалған жағдайда, олардың жоғалу жағдайлары жазбаша түрде көрсетіледі;
- МТНБ жоғалған жағдайда, көшірмесін беру. Бұлар бірыңғай ақпараттық жүйеге өзгерістер енгізбестен жүзеге асырылады.
Бұл туралы полиция полковнигі Дәулет Молдаханов түсіндіріп өтті.
Алматы облысының полицейлері өзекті мәселеге арналған Армения Республикасынан әкелінген көліктерді тіркеу барысында тиісті құжаттарды толыққанды дайындап, мерзімінен кешіктірмей, уақытша тіркеуге қоюға шақырады. Тіркеуге қатысты сұрақтары болса, әкімшілік полиция басқармасының немесе бжоғарыда көрсетілген байланыс орталығының телефондары арқылы кеңес алуға болатынын ескертеді.
"ЖЕТІСУ-АҚПАРАТ"
Сурет - ғаламтордан
