Оқи отырыңыз
Қапшағай гарнизонында 2020 жылғы күзгі әскер қатарына шақырылған жастардың салтанатты түрде ант қабылдау рәсімі өтті.
Барлығы 90 жас өз Отанының бостандығы мен тәуелсіздігін күзетуге, өз міндеттерін адал атқаруға салтанатты түрде ант берді. «Менің ойымша, бүгінде әскер қатарына шақырылған әрбір жас жігіт үшін бұл ерекше шара екені айтпаса да түсінікті. Жастар ант қабылдап, Отан алдындағы борышын өтеу арқылы әскери ұжымның не екенін сезінеді, қиындықтарды жеңе білуге үйренеді және осында алған тағылымы келешектегі өміріне үлкен пайдасын тигізеді», - деп пікір бөлісті қатардағы жауынгер Нариман Асқарбеков.
Қарулы Күштер қатарына алынушылар жан-жақты жауынгерлік дайындықтан өтіп қана қоймай, оқ ату, далалық экскурсиялар, әскери техниканы меңгеру сынды маңызды тапсырмаларды да орындайды. Әскери бөлімнің базасында әскери инженерлер 11 мамандық бойынша оқытылады. Оның ішінде, инженерлік техниканың механик-жүргізушілері, кран операторлары, экскаватор операторлары, әмбебап жол және машиналардың жол төсейтін жүргізушілері, электр мамандары, радиациялық, химиялық және биологиялық қорғау, далалық сумен қамтамасыз ету мамандары біліктіліктерін шыңдайды. Жалпы саны мұнда бір кезеңде 100-ге жуық адам мамандық алады. Арнайы жасаққа шақырылушыларды таңдау кезінде әскерге шақырылғанға дейін игерген мамандықтарына басымдық беріледі.
М.МАҚАШЕВА,
Қапшағай гарнизоны баспасөз қызметінің жетекшісі, майор
